មាសអើយមាសទឹកដប់ ឬ មាសទឹកដប់ - បទ ៖ ផ្កាស្រពោន - បាសាក់ | ស៊ីន ស៊ីសាមុត | រាំក្បាច់

ចំណងជើង ៖ មាសអើយមាសទឹកដប់ បទ ៖ ផ្កាស្រពោន , ទម្រង់ ៖ បាសាក់ , សំនៀងដើម ៖ ស៊ីន ស៊ីសាមុត មាសអើយមាសទឹកដប់ មានភ័ព្វកើតមករូបល្អ ស្រស់អើយសែនស្រស់ ដូចកិន្នរមកពីសួគ៌ា ។ ល្អអើយល្អហ្មត់ហ្មង គ្មានឆ្គងឱ្យទាស់ទ័យា សមអើយសែនសម រកស្រីនានាមកប្រៀបផ្ទឹមគ្មាន ។ លាក់បាំងអ្វីស្រី បងសព្វថ្ងៃអាល័យតែកែវកល្យាណ សែនរំខានរីងរៃក្នុងប្រាណ ចង់បានតែពុំងា ។ មាសអើយមាសឆ្អិនឆ្អៅ នាងនៅមិនទាន់មានគ្នា ចាំអើយសែនចាំ គ្រប់ពេលវេលាក្រែងមាននិស្ស័យ ។ ទន្ទឹងរំពឹងក្នុងចិត្ត គេងគិតទាំងក្តីស្រមៃ ព្រួយអើយសែនព្រួយ ក្រែងមិនប្រណីមកដល់រូបបង ។ លាក់បាំងអ្វីស្រី បងសព្វថ្ងៃអាល័យតែកែវនួនល្អង សែនសៅហ្មង អាសូររៀមផង ណាមាសបងអើយ ៕ @choengsenghong

Category